“Shqiptarët e bëjnë më së miri”/ Qeveria dominohet nga shqiptarët edhe pse kanë më pak deputetë

-

Shkup, 6 dhjetor – Me hyrjen e Alternativës në Qeveri, dukshëm do të rritet përbërja e Qeverisë me funksionarë dhe udhëheqës shqiptarë. Edhe pse në këtë shumicë parlamentare shumicën e deputetëve e ka LSDM si parti maqedonase, shumica qeveritare do të dominohet nga shqiptarët dhe partitë shqiptare. Madje edhe ato ministra të LSDM-së, disa nuk janë maqedonas, shkruan Zhurnal.

Kështu ministrat dhe zv.ministrat shqiptarë do t’i tejkalojnë ato maqedonas në këtë përbërje qeveritare.

Duke filluar nga Ministria e Mbrojtjes, ku ministre është Radmilla Shekerinska e LSDM-së ndërsa zv.ministër është Bashkim Hasani i BDI-së.

Në Ministrinë e Punëve të Brendshme ministër është Oliver Spasovski i LSDM-së, ndërsa zv.ministër Nazim Bushi i BDI-së.

Në Ministrinë e Drejtësisë ministër kemi Bojan Mariçiq i LSDM-së ndërsa zv.ministër Agim Nuhiu i BDI-së.

Ministria e Punëve të JAshtme përbëhet nga dy shqiptarë dhe atë Bujar Osmani i BDI-së dhe Fatmire Isaki nga PDSH.

Ministër i Financave është Fatmir Besimi nga BDI ndërsa zv.ministër është Dimitar Kovaçevski nga LSDM.

Ministria e Shëndetësisë sipas marrëveshjes së re mes LSDM-së dhe Alternativës do t’i takojë kësaj të fundit. Kështu, Ministër i ri i Shëndetësisë me shumë gjasa do të emërohet Bekim Sali i Alternativës, ndërsa zv.ministër për momentin ende është Ilir Hasani i BDI-së.

Ministria e Transportit përbëhet nga Bllagoj Boçvarski i LSDM-së, ndërsa zv.ministër është Bekim RExhepi i BDI-së.

Ministër i Ekonomisë është Kreshnik Bekteshi i BDI-së ndërsa zv.ministër Zoran Manevski i NSDP-së (koalicion)

Ministër i Bujqësisë është Arjanit Hoxha ndërsa zv.ministër në këtë institucion pritet të jetë person nga radhët e Alternativës. Ministrinë e Bujqësisë pas tërheqjes së Besës nga Qeveria, tani sipas të gjitha gjasave do ta mer përsipër BDI-ja, në këmbim të Ministrisë së Shoqërisë Informatike.

Ministër i Shoqërisë Informatike aktualisht është Jeton Shaqiri i BDI-së por edhe këtë resor do ta mer Alternativa. Zv.ministër është Aleksandar Bajdevski.

Ministër në Ministrisë për Punë dhe Politikë Sociale është Jagoda Shahpaska e LSDM-së ndërsa zv.ministër është Enver Huseyin nga Partia Demokratike e Turqve.

Ministër i Arsimit dhe Shkencës është Milla Carovska ndërsa zv.ministër deri tani ishte Arafat Shabani i Lëvizjes Besa. Edhe këtë pozitë pritet ta mer Alternativa që do të thotë se përsëri do të jetë shqiptar.

Ministria për Vetqeverisje Lokale udhëhiqet nga Goran Milevski nga PLD ndërsa zv.ministër është Zoran Dimitrovski nga Lidhja Demokratike.

Ministër i Kulturës është Irena Stefkoska e LSDM-së ndërsa zv.ministër është Sedat Sulejmani nga Lëvizja Besa. Edhe këtë pozitë, pritet ta mer Alternativa në vend të Besës.

Ministria për Ambient Jetësor udhëhiqet nga Naser Nuredini i BDI-së ndërsa zv.ministër është Hristina Oxhaklieska nga DOM.

Ministria për Sistem Politik udhëhiqet nga Artan Grubi – BDI, ndërsa zv.ministër është Ilhan Rahman nga THP (parti turke).

Sipas të gjitha këtyre statistikave që zbardhi Agjencia e lajmeve Zhurnal, i bie që shqiptarët dominojnë me poste udhëheqëse (ministra dhe zv.ministra). Kështu, shqiptarët udhëheqin me gjithsej 17 poste, maqedonasit me 12 ndërsa turqit me 2.

Kjo ndoshta ishte edhe paralajmërimi i ministrit Goran Milevski i cili si duket nuk po mund të pajtohet me realitetin dhe tha se do të shqyrtojnë edhe një herë marrëveshjen mes Zaevit dhe Gashit. Partia e tij PLD është pjesë e Qeverisë.//Zhurnal.mk

Lajmet e fundit

Fifi rrëqeth publikun me recitimin e Marshit të UÇK-së në emision: Situata ishte e rëndë për mua, pasi kam familjarë në Mitrovicë – Telegrafi

Këngëtarja e njohur shqiptare, Filloreta Raçi – Fifi, ka qenë e ftuar të shtunën në emisionin “Më lër...

Balotelli godet Mourinho-n: Ndonjëherë ai duhet të marrë përgjegjësi si burrë

Mario Balotelli, ish-sulmuesi i Interit, Milanit, Manchester City-t e shumë skuadrave të tjera, ka folur së fundmi për nisjen...

Medvedev: Rusia mund të aneksojë më shumë territore

Dmitry Medvedev  ka shënuar përvjetorin e Rusisë që pretendon katër territore ukrainase duke sugjeruar se Moska mund të aneksojë...

Publikohen renderët e bazuara në CAD të Samsung Galaxy S24+ – Telegrafi

Dje ka qenë një ditë e madhe për rrjedhjet e telefonave të ardhshëm të Samsung. Fillimisht pamë imazhet e...
- Advertisement -

Di Maria në super formë, vendos klasiken Benfika-Porto

Angel Di Maria vazhdon të shënojë dhe t’i dhurojë fitore Benfikës.Pasi realizoi ëndrrën e jetës për të fituar Kupën...

Jennifer Lopez thekson vijën e trupit dhe i vihet në dukje gjoksi në veshjen e ngushtë rrugëve të Los Angelesit – Telegrafi

Jennifer Lopez dukej tepër rinore teksa kishte veshur një kostum fitnesi teksa po shkonte në provat në Los...