Tetova dhe qytetarët saj për të shtatën ditë me rradhë janë pa ujë, pa gjënë më kryesore të mbijetesës sonë! Qytetarët e Tetovës nuk kanë ujë për pije, e as për higjienë personale në këtë kohë pandemie.
Dështimet e kësaj administrate komunale e kanë shndërruar Tetovën si një qytet mesjetar, ku çdo tetovar kryefjalë të ditës e ka mungesën e ujit.
Udhëheqësia e Komunës se Tetovës ka dështuar të veprojë në mënyrë efektive dhe në kohë të duhur për të sanuar një difekt që po i lë tetovarët pa ujë.
Edhe pse kryetari i komunës dy javë më parë deklaroi se problemi është zgjidhur por Tetova tashmë një javë mbetet pa ujë.
