Gjermania konsideron ndalimin e aplikacionit Telegram

Gjermania po shqyrton ndalimin e Telegram, një aplikacion i koduar i mesazheve, pasi e akuzon atë për “mbështetjen e gjuhës së urrejtjes dhe teorive të konspiracionit”.

Kjo pasi që, sipas medieve të huaja, përcjell Telegrafi, aplikacioni ka injoruar vazhdimisht thirrjet për të ndaluar grupet kundër vaksinave dhe përmbajtje të tjera të ngjashme.

Debati mbi Telegram vjen pikërisht kur parlamenti gjerman mblidhet për të diskutuar nëse vaksinat kundër Covid-19 duhet të bëhen të detyrueshme.

Si pasojë, gjatë javëve të fundit, demonstrata të dhunshme shpërthyen në të gjithë vendin.

Dhe në dhjetor 2021, një grup gjerman i Telegramit ndau kërcënimet me vdekje drejtuar guvernatorit të shtetit të Saksonisë, duke çuar në bastisje të policisë.

Ndryshe, një nga kanalet që po përdoret për të mobilizuar protestuesit kundër vaksinës është Telegram.

Midis 2018 dhe 2021, përqindja e përdoruesve që dërgojnë mesazhe rregullisht në Telegram u rrit nga 7% në 15%, sipas një sondazhi nga kompania gjermane e analizës së të dhënave Statista. /Telegrafi/