Ministria e Arsimit dhe e Shkencës dhe vetëqeverisjet lokale janë të orientuara për bashkëpunim të përditshëm sepse sigurimi i arsimit cilësor është me interes të ndërsjelltë.
Gjatë javës prita në takim dhe kryetarët e Komunave të Bogovinës dhe Dollnenit, Besnik Emshiu dhe Urim Ibeski, ku diskutuan për procesin edukativo-arsimor në të dyja komunat dhe mënyrat për përmirësimin e tij.
Mora konfirmim nga kryetarët e komunave se të gjitha shkollat komunale janë gati për fillimin e gjysmë vjetorit të dytë me prezencë fizike të nxënësve, gjë që është në interesin më të mirë të nxënësve. Ashtu si edhe në gjysëm vjetorin e parë, mësimi do të zhvillohet në përputhje me protokollet dhe masat mbrojtëse.
Do të investojmë në mënyrë të barabartë në të gjitha komunat, pavarësisht se a janë ato urbane apo rurale, pavarësisht nga përbërja etnike e nxënësve, sepse të gjithë fëmijët kanë të drejtë në arsim cilësor.
