Kreu i Bashkësisë Fetare Islame, Shaqir Fetahu pas takimit që kishte me krerët fetarë dhe ministrin e Shëndetësisë Bekim Sali, tha se institucioni që përfaqëson ai në vazhdimësi respekton masat për mbrojtje nga Covid-19.
“Bashkësia Fetare Islame prej momentit të pari i ka marrë të gjitha masat nëpër objektet fetare prej momentit të parë i ka realizuar të gjitha rregullat që kanë ardhur nga OBSh dhe Ministria e Shëndetësisë si dhe nga parimet e islamit që e parasheh në këto momente”, tha Shaqiri.
Ai tha se personalisht është ka pranuar edhe dozën e tretë të vaksinës kundër Covid-19 dhe se apelon tek të gjithë qytetarët që ta bëjnë të njëjtën.
“Kemi apeluar për masat pa ndërprerë. Kemi apeluar për vaksinimin. Jam i pari që e mora vaksinën e parë Pfizer, të dytën dhe para dy javës e kam marrë edhe të tretën. Është shumë interesante se nuk kam pasur asnjë komplikim, dmth ka qenë shumë në rregull. jemi së bashku që të apelojmë deri tek të gjithë qytetarët e Maqedonisë së Veriut që këtë çështje ta marrin shumi seriozisht, sepse bëhet fjalë për jetën e njeriut. Mos të vjen situata që të pendohemi dhe të themi “ah sikur t’i kisha marrë vaksinat me kohë, nuk do të ndodhte kjo”, siç ka ndodhur në shumë familje të ndryshme”, theksoi Fetahu.
