Shkup\ 265 gjoba për kundërvajtje në komunikacion

Ministria e Punëve të Brendshme njofton se gjatë ditës së djeshme vazhdoi me aksionet e përfocuara në fushën e komunikacionit.

“Në territorin e Bashkisë së Shkupit janë shqiptuar gjithsej 265 masa prej të cilave 44 janë për tejkalim shpejtësie, 59 për mosdhënie të përparësisë ndaj kalimtarëve, 16 për vozitje pa leje dhe 56 gjoba për këmbësorët”, thuhet në njoftimin e policisë.

Po ashtu janë shqiptuar edhe 9 masa për përdorim të telefonit gjatë vozitje, 5 për mosregjistrim të automjeteve, 4 për mospërdorimin e rripit të sigurisë, 6 për kalim në të kuqe, 5 për tejkalim i parregullt dhe 48 për parkim jo të rregullt.

Nga MPB shtojnë se aksionet e forcuara do të vazhdojnë edhe gjatë ditëve të ardhshme.

“U bëjmë thirrje qytetarëve që t’i respektojnë rregullat në mënyrë që ta risim sigurinë në komunikacion”, thuhet në njoftimin e policisë.