Nuk do të fillojë këtë vit prokurimi i 250 autobusëve të premtuar nga Arsovska, thotë se qyteti i Shkupit ka shumë borxhe

-

Këtë vit nuk do të fillojë as procedura për blerjen e 250 autobusëve ekologjikë, të cilët i kishte premtuar kryetarja e Shkupit Danella Arsovska gjatë fushatës zgjedhore. Në buxhetin për vitin 2022 nuk parashikohen para për këtë qëllim, kurse Qyteti nuk mund të marrë as kredi pasi tashmë është në borxh, shkruan Sdk.mk.

Procedura për blerjen e autobusëve të rinj zgjat së paku një vit e gjysmë, duke qenë se fillimisht shpallet tenderi për përzgjedhjen e ofertuesit më të favorshëm që zgjat disa muaj, e më pas deri në një vit është afati për dorëzimin e automjeteve. Si për shembull, koha e dorëzimit të 33 autobusëve nga prodhuesi gjerman MAN ishte 10 muaj. Procedura filloi në janar të vitit 2019 kur u nënshkrua marrëveshja e kredisë me BERZH-in, më pas tenderi ndërkombëtar për përzgjedhjen e një kompanie zgjati disa muaj, pas së cilës në maj të 2020-tës mbërritën automjetet e para të reja për transport publik.

Nga kabineti i kryetares së komunës Danella Arsovska thonë se autobusët këtë vit nuk mund të blihen, pasi Qytetin e gjetën me shumë borxhe.

“Prokurimi i 250 autobusëve ekologjikë është pjesë e programit katërvjeçar të Qytetit të Shkupit. Nga buxheti i vitit 2022, një pjesë e madhe e mjeteve janë të destinuara për shlyerjen e borxheve milionëshe të trashëguara nga drejtuesit paraprak të qytetit, si dhe për kontratat shumëvjeçare që udhëheqësia e mëparshëm ka bërë jashtë mandatit të vet. Këto borxhe duhet të paguhen me mjetet që i ka në dispozicion Qyteti i Shkupit nga buxheti nga ky dhe nga viti i ardhshëm”, thonë nga kabineti i Arsovskës.

Nga atje nuk janë përgjigjur pyetjes së Sdk.mk se ku do të gjenden paratë për të blerë autobusët e premtuar, të cilëve u nevojiten rreth 75 milionë euro, duke qenë se Qyteti nuk mund të marrë hua me kredi.

Kryetarja Arsovska në dhjetor gjatë një brifingu tha se donatorëve do t’u kërkohet të mbledhin fonde për blerjen e autobusëve.

Arsovska në fushatë, përveç 250 autobusëve të rinj, premtoi transport falas për të gjithë qytetarët. As kjo nuk do të ndodhë këtë vit, por pas dy vitesh pasi ndërmarrja publike NTP Shkup, siç tha kryetarja, është në gjendje të keqe dhe fillimisht duhet të konsolidohet.

Lajmet e fundit

MF: Plani i qëndrueshmërisë fiskale – Masa konkrete dhe rekomandime për racionalizimin e shpenzimeve joproduktive te shfrytëzuesit buxhetorë

Përmes masave dhe rekomandimeve konkrete të integruara në Planin e qëndrueshmërisë fiskale dhe përkrahjes së rritjes ekonomike, do të...

Dinamo me mungesa të mëdha para duelit me Balkanin

Kampioni kroat, Dinamo Zagreb, vjen në Prishtinë me shumë probleme para sfidës me kampionin e Kosovës, skuadrën e Balkanit....

PS pr/rezolutë për denimin e sulmit në veri të Kosovës: Mbështesim qëndrimin e qeverisë së Kosovës, Serbia të dorëzojë kriminelët

Faxnews ka siguruar projekt-rezolutën e PS ku dënon sulmin terrorist në veri të Kosovës. Në projekt-rezolutë, PS mbështet cdo...

‘Emoji-t’ po vijnë në Gmail

Google ka konfirmuar se po sjell ’emoji-t’ në shërbimin e saj Gmail, derisa flitej për një gjë të tillë...
- Advertisement -

4 tetor 1824, Meksika shpalli pavarësinë

Pas një lufte 11-vjeçare shkëputjeje nga Spanja, populli meksikan më në fund mori shtetin e tij për herë të...

Do të zgjidhet çështja e personave pa shtetësi në Maqedoni, miratohen ndryshimet e nevojshme ligjore

Në Kuvendin e RMV-së janë miratuar ndryshimet në ligjet për vendbanim dhe qëndrim dhe për letërnjoftime, me të cilat...