Diplomatët e Maqedonisë për momentin do të mbeten në Ukrainë, familjarët e tyre do të kthehen këtë javë në Shkup

-

Ambasada e Maqedonisë së Veriut në Ukrainë për momentin vazhdon të funksionojë dhe diplomatët mbeten në Kiev, por familjet e tyre do të kthehen në Shkup këtë javë. Rreth 30 vëzhgues nga Maqedonia e Veriut mbeten në Ukrainë si pjesë e Misionit Special të Monitorimit të OSBE-së.

Rreth njëqind qytetarë të Maqedonisë aktualisht janë duke qëndruar në Ukrainë dhe Ministria e Punëve të Jashtme ka hartuar një plan me aktivitete për skenarë të ndryshëm që mund të ndodhin në periudhën e ardhshme në Ukrainë, përcjell Telegrafi Maqedoni.

Ministri për Punë të Jashtme Bujar Osmani, dje në një konferencë për shtyp informoi se në Ukrainë janë katër kategori të qytetarëve të Maqedonisë. Në kategorinë e parë janë ambasadori dhe një diplomat tjetër në ambasadën e RMV-së në Kiev dhe familjet e tyre. Duke qenë se ata janë staf thelbësor për ambasadën dhe ende nuk ka vendim për mbylljen e saj, diplomatët do të qëndrojnë në Ukrainë derisa të merret vendim tjetër, por është vendosur që familjet e tyre të kthehen në Shkup në fillim të kësaj jave.

Në kategorinë e dytë janë rreth 30 vëzhgues në kuadër të Misionit Special Monitorues të OSBE-së dhe është vendosur që ata për momentin të qëndrojnë në Ukrainë.

Në kategorinë e tretë janë rreth 40 shtetas që për arsye të ndryshme ndodhen në Ukrainë dhe rreth 30 anëtarë të familjeve të tyre, ku shumica e anëtarëve të familjes janë shtetas ukrainas.

Bujar Osmani të gjithë atyre ju bëri thirrje që të shfrytëzojnë mundësinë dhe me fluturime komerciale të largohen nga Ukraina dhe të kthehen në Maqedoninë e Veriut.

Osmani theksoi se disa nga planet kanë filluar të realizohen duke u bazuar në komunikimin e ngushtë që MPJ-ja ka me aleatët.

Ndërkohë, Shtetet e Bashkuara dhe rreth 22 vende të tjera, duke përfshirë Britaninë, Gjermaninë, Holandën, Australinë, Zelandën e Re, Kroacinë dhe Bullgarinë, u kanë thënë qytetarëve të tyre që të largohen menjëherë nga Ukraina.

Pentagoni njoftoi në fundjavë se po tërhiqte pothuajse të gjitha trupat e tij nga Ukraina, ndërsa nga Uashingtoni erdhi paralajmërim se Rusia ende po grumbullonte trupa dhe pajisje ushtarake në zonat kufitare dhe se një sulm rus mund të ndodhë në 10 ditët e ardhshme.

Lajmet e fundit

Zyrtare, Julian Nagelsman trajner i ri i Gjermanisë

Julian Nagelsman do të drejtojë kombëtaren e Gjermanisë në “Euro 2024”, pasi u emërua trajneri i ri i kombëtares,...

Ahmeti kryen homazhe në varrezat e Fehmi e Xhevë Lladrovcit në 25 vjetorin e rënijes së tyre

Në përvjetorin e 25 të rënijes heroike së Fehmi e Xhevë Lladrovcit, kreu i Bashkimit Demokratik për Integrim, Ali...

Penov mbron ministrin: Tekstet shkollore nuk janë problem i Shaqirit, por i shtetit

Ministri i Pushtetit Lokal, Risto Penov në një intervistë të dhënë për indeks.mk, ditë më parë ka thënë se...

Sot Dita Ndërkombëtare pa Makina

Sot shënohet Dita Ndërkombëtare pa Makina, e cila synon sensibilizimin e njerëzve që të shmangin të paktën për një...
- Advertisement -

25 vjet nga rënia heroike e Fehmi dhe Xhevë Lladrovcit

Sot bëhen 25 vjet nga rënia heroike e komandantit të Ushtrisë Çlirimtare të Kosovës, Fehmi Lladrovci dhe bashkëshortes së...

Tayna shfaqet në super formë në pozat para pasqyrës

Reperja e njohur shqiptare, Tayna ishte ndër artistet më të angazhuara me koncerte dhe mbrëmje muzikore edhe gjatë...