Fushata parazgjedhore, është periudhë në të cilën publikimi i çdo problemi me të cilën ballafaqohen qytetarët llogaritet se bëhet për të fituar pikë politike, e assesi nuk kuptohet si qasje serioze se dikush me të vërtete donë të kujdeset për qytetaret për të ofruar kushte më të mira ekonomike, sociale dhe infrastrukturore, që sadopak qytetarëve të ju mundësohen kushte më të mira për jetë.
Menjëherë pas shpalljes së rezultatit dhe marrjes së mandatit të kryetarit të komunës nga Blerim Sejdiu, ndër postimet e shumta që i thurte lavde vetes ishte edhe postimi si në vijim: “kam bërë shumë lutje që të fitosh”, ishin fjalët e Nënë lokes 95 vjeçare nga Dëbërca. Por kryetari Sejdiu si duket shpejt e harroi nënë loken për lutjet e bëra, gati një shekull jetë rruga e lagjes së lokes ta pasqyron kohen e Mesjetës edhe pse jemi në shekullin 21, që është turp i kohës të diskutohet për begatonim të rrugëve.
Në seancën e tretë – 3 të Këshillit komunal, ku pikë e rendit ditës ishte miratimi i programës për begatonim të rrugëve, në të cilën programë ishin paraparë 1000 m2 begatona për vitin 2022 për 18 vendbanime, si këshilltarë komunal dorëzuam kërkesë me shkrim që për vitin 2022, për fshatin Dëbërcë të ndahen 2000 m2 begatona. Përgjigja e kryetarit ishte: Nuk ka vendbanim që ka rrugë pa begatona, kemi shtruar rrugë e rrugë me begatona. Por fatkeqësisht gjendja nga tereni dëshmon të kundërtën.
Të nderuar, postimin nuk e bëj për të bërë politik, por nga obligimi shoqëror e moral, si banorë i fshatit Dëbërcë dhe banues në të njëjtën lagje, nga brejtja e ndërgjegjes dhe fundja dikush duhet te ju bëjë me dije institucioneve se në çfarë gjendje i kanë lënë qytetarët dhe se qytetarët kanë nevojë më së shumti pas zgjedhjeve, që premtimet e bëra në fushatë ti bëjnë realitet, jo të mbeten vetëm fjalë të bukura të fushatës parazgjedhore.
Uroj kryetari ti beson realitetit dhe tu qaset me seriozitet kërkesave dhe problemeve të qytetarëve.
Vëmendje: në të njëjtën gjendje janë edhe dy rrugica të tjera…
