Disa gazetarë thonë se janë larguar nga media ruse RT pas pushtimit të Ukrainës nga Moska.
Sipas mediave të huaja, përcjell Telegrafi, janë postimet në Twitter, përmes së cilave ata njoftonin dorëheqjet e tyre duke cituar “ngjarjet e fundit”.
Një lajm i tillë vjen në ditën kur delegacioni ukrainas ka mbërritur në zonën në kufirin ukrainas-bjellorusi për bisedime me Rusinë.
Presidenti i Ukrainës, Volodymyr Zelensky nuk është pjesë e delegacionit.
Ndryshe, Bjellorusia ka thënë më herët se ka përgatitur një vend për të pritur delegacionet ukrainase dhe ruse, pasi agresioni i Moskës ndaj fqinjit të saj perëndimor hyn në ditën e pestë.
