Aeroporti i Shkupit ka fituar çmimin për kualitet dhe shërbime të aeroportit për vitin 2021 (2021 ASQ Award) nga ana e Këshillit Ndërkobmëtar të Aeroportëve (ACI-Airports Council International) për Aeroportin më të mirë në madhësinë e tij në rajon (nga 2 deri në 5 milion udhëtarë në vit në Evropë) dhe kushte më të mira higjienike në rajon dhe evropë për vitin 2021.
Kjo është hera e shtatë që Aeroporti i Shkupit fiton këtë çmim pasi më herët e ka fituar edhe në vitet 2012, 2013, 2015, 2018, 2019 dhe 2020. Rikujtojmë se ky çmim u ndahet më tepër aeroportëve, por gara udhëhiqet mes aeroportëve të cilat regjistrojnë numër të ngjashëm të udhëtarëve gjatë një viti. Kjo nuk do të thotë se Aeroporti i Shkupit është Aeroporti më i mirë në Evropë nga të gjithë Aeroportët tjerë.
Për madhësinë e Aeroportit tonë, në garën ishin gjithsej 11 aeroportë dhe atë: Aeroporti Madeira, Aeroporti Krasnojarsk, Menorka, Santiago, Sola, Tbilisi, Talin, Vaernes, Torino, Zagreb dhe i joni në Shkup.
