Pendarovski: T’i lëmë anash stereotipet, të përqendrohemi në zhvillimin e aftësive të personave me Sindom Daun

 Dita Botërore e Personave me Sindrom Daun, dita e 21-të e muajit të tretë, si simbol për tri kopjet e kromozomit të 21-të të cilët i mbajnë personat me Sindrom Daun, është vetëm një nga vargu i arsyeve i cili na përkujton se çka kemi bërë për personat të cilët jetojnë me këtë gjendje dhe cilët janë hapat e ardhshëm të cilët duhet t’i ndërmarrim për sigurimin e jetës së tyre cilësore dhe të barabartë, shkroi presidenti Stevo Pendarovski në porosinë me rastin e shënimit të Ditës Botërore të Personave me Sindomin Daun.

Jam i sigurt, thekson Pendarovski, se me ngitjen e vazhdueshme të vetëdijes publike dhe përforcim të shërbimeve gjithëpërfshirëse, mund t’iu sigurojmë bashkëqytetarëve tanë me Sindom Daun që të kenë jetë të përmbushur, të bazuar në barazi dhe mosdiskriminim.

“T’i lëmë anash stereotipet, të përqendrohemi në funksionalitetin dhe zhvillimin e aftësive të personave me Sindrom Daun, me qëllim që t’iu japim hapësirë në shoqërinë tonë të përbashkët”, porosit Pendarovski.

Me qëllim të integrimit të pandërprerë të personave me Sindrom Daun në shoqërinë gjithëpërfshirëse, siç thekson presidenti Pendarovski, nevojitet realizim i planifikuar dhe i koordinuar i aktiviteteve të të gjitha palëve të prekura: institucionet shtetërore, institucionet shëndetësore, institucionet arsimore, qendrat sociale dhe organizatat civile.

“Shpreh mbështetje të parezervuar për të gjithë prindërit dhe familjet e personave me Sindrom Daun dhe mirënjohje për të gjitha institucionet dhe individët, të cilët janë të përfshirë në procesin e tyre edukativ, kujdesit mjekësor dhe mbrojtjes sociale. Raporti ynë drejtë personave me nevoja të veçanta është edhe një gjest i angazhimeve deklarative për ndërtim të shoqërisë gjithëpërfshirëse në të cilën njëjtë gëzojnë të drejtat dhe liritë e njeriut”, shkroi presidenti Pendarovski.