Zyrtarët policorë të SPB- Tetovë, dje (22-mars), nga ora 12:00 deri në ora 16:00, në zonën Tetovë-Gostivar kanë kryer kontrolle të intensifikuara të automjeteve që kryejnë transport publik të udhëtarëve dhe para së gjithash të nxënësve.
“Gjatë kontrollit është zbuluar dhe gjobitur 1 automjet, përkatësisht shofer (TE) pa dokumentet e nevojshme dhe 5 drejtues automjetesh (GV), 1 pa çertifikatë mjekësore, me kategori të papërshtatshme dhe që ka biseduar në celular, si dhe 2 me patentë shofer të skaduar, të gjithë shkelësve u janë përgatitur parashtresat përkatëse dhe do të përballen me gjobat e parapara dhe masat tjera mbrojtës.
Dje po ashtu në kuadër të aktiviteteve të kontrollit të intensifikuar të realizuara në Tetovë janë gjobitur dhe larguar nga “shërbimi i merimangës” 10 automjete të parkuara në mënyrë të paligjshme, gjegjësisht të parkuara gabimisht, 3 vozitës fillestarë të cilët nuk respektojnë kufizimet ligjore për këtë kategori të pjesëmarrësve në komunikacion dhe 2 drejtues mjetesh pa kaluar testin e patentë shoferit”, njoftojnë nga SPB-Tetovë.
