Maqedonisë V. i premtohet premia prej 500 mijë eurosh për eliminim të Portugalisë

-

Futbollistët e Maqedonisë së Veriut të dielën kanë udhëtuar për në Porto, ku të martën mbrëma e luajnë ndeshjen më të madhe në histori. Maqedonia e Veriut, me shumë futbollistë shqiptarë në përbërje, luan ndaj Portugalisë së Cristiano Ronaldos për vend në Botërorin që më vonë këtë vit mbahet në Katar.

Maqedonia e Veriut në gjysmëfinale të plejofit për kualifikim në Botëror e eliminoi Italinë, duke e mposhtur 1:0 me gol në minutën e 92-të.

Te Maqedonia tani synojnë befasinë e radhës dhe kualifikimin historik në Botëror. Maqedonia V. do ta zhvillojë vetëm një stërvitje në Porto, të hënën mbrëma.

Para udhëtimit për në Porto, në aeroplanin ku ishin lojtarët ka qëndruar kryeministri i Maqedonisë së Veriut, Dimitar Kovaçevski. Ai ishte i shoqëruar nga zëvendëskryeministri i parë, Artan Grubi.

Kryeministri Kovaçevski ka premtuar para lojtarëve preminë prej 500 mijë eurosh për fitore ndaj Portugalisë, përkatësisht për vend në Botëror.

“Ju jeni pika më e ndritur e Maqedonisë për momentin. Qeveria me kënaqësi mund të ndajë një shpërblim prej 500 mijë eurosh për kualifikim në Botërorin e Katarit. Edhe kjo që kemi arritur deri më tani është një sukses. Nuk e di se si, por fitoni edhe ndaj portugezëve. E di që mund t’ia dilni”, ka thënë kryeministri i Maqedonisë V. para lojtarëve të kësaj përfaqësueseje.

Shumë pritet prej futbollistëve shqiptarë të Maqedonisë së Veriut si Enis Bardhi, Arijan Ademi, Ezgjan Alioski dhe Visar Musliu. Musliu ka luajtur ndeshje të madhe me Italinë.

“Nuk kemi arritur ende asgjë. Ne kemi eliminuar një gjigant si Italia, por jemi edhe një hap prapa Botërorit. Ëndërrojmë fitore të martën. Do të bëjmë më të mirën për të realizuar ëndrrën. Ne besojmë se mund të fitojmë në Portugali”, ka thënë Ezgjan Alioski para nisjes për në Portugali.

Lajmet e fundit

MF: Plani i qëndrueshmërisë fiskale – Masa konkrete dhe rekomandime për racionalizimin e shpenzimeve joproduktive te shfrytëzuesit buxhetorë

Përmes masave dhe rekomandimeve konkrete të integruara në Planin e qëndrueshmërisë fiskale dhe përkrahjes së rritjes ekonomike, do të...

Dinamo me mungesa të mëdha para duelit me Balkanin

Kampioni kroat, Dinamo Zagreb, vjen në Prishtinë me shumë probleme para sfidës me kampionin e Kosovës, skuadrën e Balkanit....

PS pr/rezolutë për denimin e sulmit në veri të Kosovës: Mbështesim qëndrimin e qeverisë së Kosovës, Serbia të dorëzojë kriminelët

Faxnews ka siguruar projekt-rezolutën e PS ku dënon sulmin terrorist në veri të Kosovës. Në projekt-rezolutë, PS mbështet cdo...

‘Emoji-t’ po vijnë në Gmail

Google ka konfirmuar se po sjell ’emoji-t’ në shërbimin e saj Gmail, derisa flitej për një gjë të tillë...
- Advertisement -

4 tetor 1824, Meksika shpalli pavarësinë

Pas një lufte 11-vjeçare shkëputjeje nga Spanja, populli meksikan më në fund mori shtetin e tij për herë të...

Do të zgjidhet çështja e personave pa shtetësi në Maqedoni, miratohen ndryshimet e nevojshme ligjore

Në Kuvendin e RMV-së janë miratuar ndryshimet në ligjet për vendbanim dhe qëndrim dhe për letërnjoftime, me të cilat...