Pas vlerësimit të përfunduar me sukses të Batalionit të këmbësorisë së lehtë në kuadër të stërvitjes ushtarake “Blesok 22”, sot në Poligonin “Krivollak” do të realizohet “Dita e mysafirëve të lartë”.
Sipas programit, përmes ekzekutimit të stërvitjes me qitje luftarake të titulluar “Batalioni i këmbësorisë së lehtë në sulm”, do të demonstrohen situata dhe procedura me të cilat do të demonstrohet stërvitje dhe trajnimi i pjesëtarëve të Armatës së Batalionit i këmbësorisë së lehtë dhe një pjesë e njësive të cilat morën pjesë në stërvitjen “Blesok 22”.
Në demonstrim është paralajmëruar pjesëmarrja e kryeministrit Dimitar Kovaçevski, ministres së Mbrojtjes Slavjanka Petrovska dhe shefit të Shtabit të Përgjithshëm, gjeneral-nënkoloneli Vasko Gjurçinovski, përfaqësues të Qeverisë, të Kabinetit të presidentit të shtetit, të Kuvendit, të Shtatmadhorisë dhe të Ministrisë së Mbrojtjes, gjeneralë të armatës, komandantë dhe komanda dhe njësi të Armatës, si dhe atashetë ushtarakë të akredituar në vend.
Vlerësimi i Batalionit së këmbësorisë së lehtë e zbatoi ekipi vlerësues i Armatës, i mbështetur nga vlerësues të vendeve të tjera dhe ekipi i monitoruesve të NATO-s, me ç’rast vlerësimi zyrtar është “i aftë për luftim për kryerjen e misionit të tij”.
