Në Klinikën Universitare të Pulmologjisë dhe Alergologjisë sot do të hapet qendër kompjuterike. Nga Klinika informojnë se si pjesë e IPA fondeve, BE-ja ka siguruar pajisje mjekësore në vlerë prej 3,7 milionë euro për vendin në ballafaqimin me kërcënimet shëndetësore. Në ngjarje, siç është paralajmëruar do të mbajnë fjalim drejtori mjekësor i Klinikës, Dejan Dokiq, drejtori organizativ i Klinikës, Suat Shaqirov dhe ministri i Shëndetësisë Bekim Sali.
Janë siguruar pajisjet, duke përfshirë blerjen e pajisjeve mjekësore, tre aparatura për rezonancë magnetike dhe pesë aparate tomografike kompjuterike, nga të cilat një sistem tomografie kompjuterik nga prodhuesi “Philips Incisive CT” me vendim të Qeverisë i është caktuar Klinikës së Pulmologjisë dhe Alergologjisë. Për këtë qëllim janë paraparë kushte hapësinore për instalimin e sistemit tomografik kompjuterik, në objektin e dhënë në shfrytëzim nga Qeveria. Paralelisht me këtë furnizim nga BE-ja, Klinika nga mjetet e veta ka blerë aparatin më të ri digjital rentgen nga kompania “Shimadzu”, në mënyrë që nga aspekti teknik të ketë pajisjet më të reja. Për këtë ka pasur nevojë për punësim të stafit profesional i cili do të operojë me pajisjet përkatëse, kështu që janë të punësuar katër radioteknologë dhe dy radiologë specialistë”, theksojnë nga Klinika.
Tomografia kompjuterike incisive skanon të gjithë trupin me rezolucion të lartë në një kohë shumë të shkurtër dhe ndryshon nga konkurrenca me tubin me rreze X të cilësisë së lartë që funksionon me më pak fuqi të energjisë, si dhe skanimin me shpejtësi të lartë me rezolucion të lartë dhe qartësi të fotografisë. Duhen pesë deri në dhjetë sekonda për të skanuar në mënyrë efektive pamjet paraprake standarde të këtij skaneri. Pajisja është e pajisur me softuer skanimi me doza minimale dhe një sipërfaqe prej 70 KV, që është një ulje e dozës deri në 80 për qind për pacient. Kjo mbron pacientin nga rrezatimi i tepërt, por edhe stafin që punon me pajisjen që është thelbësore.
Një avantazh tjetër i blerjes së aparatit për TK është reduktimi i kohës së pritjes për incizim. Si ilustrim për të marrë një termin për TK me kontrast, takimi i parë falas është për tre javë. Nëse kësaj kohe i shtoni kohën e nevojshme për të lexuar rezultatet nga pesë deri në shtatë ditë pune, ju merrni gjithsej një muaj për të marrë rezultatin. Besojmë se me blerjen e këtij aparati për TK do të reduktojmë shumë kohën e pritjes së pacientëve, sepse do të punojmë në dy turne me staf të plotësuar, i cili do të nxjerrë rezultatet ditën e nesërme. Sipas Klinikës do të caktojmë termine edhe për departamentet e tjera interne”, theksojnë nga Klinika
