Yjet e Hollywoodit, Ben Affleck dhe Jennifer Lopez u panë në Los Angeles këtë fundjavë gjatë një shëtitje dhe një dreke së bashku.
Çifti i sapofejuar u pa duke ecur dorë për dore të shtunën pasdite (23 prill) në ‘Brentwood Country Mart’ në lagjen Brentwood të Los Angeles.
Lopez, 52 vjeçe, kishte veshur një fustan të zi me gjysmë mëngë të lidhur në bel me një rrip, të cilin e theksoi me syze dielli portokalli, bizhuteri ari, atlete të bardha dhe një çantë të zezë.
Foto: Splashnews
Ndërsa, Affleck, 49 vjeç, u pa i veshur me një këmishë me kuadrate të kuqe dhe gri dhe xhinse dhe atlete të zeza, shkruan People.
Burimet rreth tyre kanë shpërthyer prej muajsh për lidhjen e rindezur të çiftit, gati dy dekada pas romancës dhe fejesës së tyre të mëparshme.
Një burim i afërt me Lopez tha së fundmi për People se çifti ” nuk po fliste ende për një martesë “. Megjithatë, tha se Affleck e bën Lopezin “jashtëzakonisht të lumtur”.
Affleck i propozoi Lopezit pasi dyshja filluan të takoheshin sërish në vitin 2021.
Foto: Splashnews
Një burim i tha pak ditë më vonë se Lopez dhe Affleck ishin ” të entuziazmuar për fejesën ” dhe se ata “donin të siguroheshin” përpara se të fejoheshin.
“Marrëdhënia e tyre është ndryshe këtë herë, sepse ata janë më të rritur, më të pjekur dhe të aftë për të përballuar çdo pengesë”, tha burimi në atë kohë.
“Ata të dy po e marrin shumë seriozisht marrëdhënien e tyre. Ata duan ta bëjnë atë të funksionojë pa marrë parasysh çfarë”, tha tutje një burim.
Foto: Getty Images
Në shkurt, Lopez tha për People se lidhja e saj me Affleck ishte ndryshe nga 18 vjet më parë, kur ata u fejuan për herë të parë.
“Ne jemi më të vjetër tani. Ne jemi më të zgjuar, kemi më shumë përvojë, jemi në vende të ndryshme në jetën tonë, kemi fëmijë tani dhe duhet të jemi shumë të ndërgjegjshëm për këto gjëra”, shpjegoi ylli i muzikës ndër tjera. /Telegrafi/
