Goli i de Bryjnes, më i shpejti te Siti në Champions


Mançester Siti në një ndeshje fantastike në të cilën kishim mundësi që të shohim shtatë gola dhe shumë raste nga të dyja palët, mundi Real Madridin me rezultat 4:3. Pas vetëm dhjetë minutash lojë, “qytetarët” kishin epërsi 2-0, dhe golin e parë e shënoi Kevin De Bryjne pas vetëm 93 sekondash lojë.

De Bryjne goditi kokën pas një asistimi mjeshtëror nga Rijad Mahrezi. Ky gol i De Brujnes është më i shpejti që skuadra e Man. Sitit e ka shënuar në Ligën e Kampionëve.

YouTube video

Deri dje rekordi për Man. Sitin ishte në pronë të Xhon Stounsit, i cili në vitin 2017 kundër Fejnoordit shënoi gol pas 95 sekondash, ndërsa në atë ndeshje Siti shënoi fitore me rezultat 4:0.