Debati i ashpër dhe akuzat e Einxhel Shkirës kundër vëllezërve Veshaj në Big Brother VIP, Romeo: Nuk jemi përballur ende


Në Big Brother VIP përgjatë pesë muajve janë krijuar situata të ndryshme e debate të shumta mes banorëve.

Një i tillë që mbahet mend në edicionin e parë të BBV ka qenë ai në mes të Einxhel dhe ish-banorit tjetër, Donald Veshaj.

Prezantuesja e njohur hodhi akuza të mëdha kundrejt vëllezërve Veshaj, me të cilët kishte punuar në një emision.

Romeo Veshaj (Foto: YouTube)

Moderatorja shtoi se ishte larguar nga programi i tyre për shkak se nuk e kishin paguar, për dallim nga Donaldi që tha se nuk ka qenë e përgjegjshme në punë.

Sido që të jetë, Romeo Veshaj në një intervistë të fundit pas Big Brother VIP në “Goca dhe Gra” tha se nuk janë përballur me Einxhel.

“Jo. Nuk jemi përballur”, u shpreh ai.

Vëllezërit duhet theksuar që së shpejti nisin me emisionin e tyre të ri në Top Channel të quajtur, “Më lër të flas”. /Telegrafi/