Milani siguron zëvëndësimin për Frenk Kesi-n


Pasi siguroi verën e kaluar shërbimet e portierit Majk Mainjan për shumën e 15 milionë eurove, Milani  ka arritur akordin edhe në lidhje me Renato Sançez.

Portugezi 24-vjeçar cilësohet si pasardhësi perfekt i Frenk Kesi, i cili do të transferohet te Barcelona në fund të sezonit. “Calciomercato” raporton se klubi italian do të paguajë te Lille 20 milionë euro + 5 të tjera në formë bonusesh për kartonin e portugezit. Sançez kërkoi një pagë prej 5 milionë eurosh neto në janar, teksa tani ka rënë dakord të vijojë karrierën në “San Siro” me një pagë prej 4.5 milionë eurosh në sezon.

Lojtari luzitan është shpallur kampion në tre shtete: Portugali me Benfikën, Gjermani me Bajern Munihun dhe në Francë me Lillën, ndërkohë që me kombëtaren e Portugalisë fitoi “Euro 2016”.