Disfatë për Shkëndijën, fitojnë Renova e Struga Trim Lum


Sot u zhvilluan ndeshjet e javës së 31-të në Ligën e Parë Futbollitistike të Maqedonisë. Në derbin e madh të zhvilluar në Strumicë, u regjistruan 6 gola, në të cilën skuadra vendase, Akademia Pandev mundi skuadrën e Shkëndijës me rezultat 4-2.

Gjashtë gola u shënuan poshtu edhe në përballjen në Autokomandë, ku Skopje mundi Pelisterin me rezultatin identik, 4-2.

Fitore minimale, me rezultat 1-0, shënuan skuadrat e Struga Trim Lumit dhe Renovës, të cilat mundën skuadrën e Bregallnicës, respektivisht Tikveshit.

Ndërkohë nuk kishte fitues në përballjen mes kampionit aktual, FC SHkupit dhe Makedonija Gjorçe Petrovit, e cila u mbyll me barazim 1-1, ndërsa fitore me 2-1, regjistroi skuadra e Rabotniçkit kundër Borecit. (Foto: GOL.MK)

Liga e Parë – Java 31

FC Shkupi 1–1 Makedonija Gj.P

Akad. Pandev 4–2 Shkëndija

Rabotniçki 2–1 Boreci

Skopje 4–2 Pelisteri

Tikveshi 0–1 Renova

Struga Trim Lum 1-0 Bregallnica