Gazetari i Radio Televizionit të Maqedonisë, programi në gjuhën shqipe, Nexhat Aqifi në një prononcim për faqen zyrtare të Bashkimit Demokratik për Integrim duke folur për 20 vjetorin e themelimit të kësaj partie ka thënë se ishte pikërisht kjo parti ajo e cila arriti të ndryshojë rënjësisht pozitën e shqiptarëve në Maqedoni.
Ai ka thënë se partia e Ahmetit arriti të ndryshojë edhe mentalitetin e politikëbërjes në vendin tonë.
“Në skenën politike të vendit tonë solli një frymë demokratike, më ndryshe, me elemente pro-perenëndimore. BDI-ja me politikat e veta arriti që jo vetëm të ruajë tërësinë dhe stabilitetin e vendit tonë, por politikat e saj reflektuan edhe në gjeopolitikat rajonale të Ballkanit Perendimor. Sot shumë shtete me karakter multi-etnik parapëlqejnë që si model të zgjidhjes së problemeve të brendshme ta marrin pikërisht Marrëveshjen Kornizë të Ohrit”, tha Aqifi.
Ndryshe për 20 vjetorin e BDI-së përpos Aqifit kanë folur edhe një numër i madhë i analistëve, ish politikanëve dhe gazetarëve të cilët kanë numëruar të arriturat e kësaj partie.
