Ahmeti: Në këtë 20 vjetor të rinjtë festuan dhe ju kushtua atyre

Kreu i BDI-së, Ali Ahmeti, kritikoi të gjithë ata që sulmuan partinë që së fundmi organizoi festën me rastin e 20-vjetorit.

“Të rinjtë festuan dhe u kushtohet atyre që kanë lindur në vitin 2002. Në moshën 20 vjeçare. Atyre u kushtohet ky 20-vjetor. Ata nuk do të kenë problemet tona. Tani janë në universitete. Ata festojnë sepse shumë prej tyre janë të diplomuar. Feston Nënën Terezë në Shkup, feston USHT-në në Tetovë. Të gjithë mjekët specialistë që vërshuan klinikat e Shkupit po festojnë. Festojnë 2500 oficerë policie. Festojnë mbi 2000 oficerë dhe nënoficerë”, ka thënë për Klik Plus kreu i BDI-së, Ali Ahmeti.