Nënkryetarja e Partisë Demokratike të Kosovës(PDK), Vlora Çitaku ka reaguar në rrjetin sociali Facebook, ku ka thënë se shteti i Kosovës nuk është duke e ditur t’i trajtojë veteranët e Ushtrisë Çlirimtare të Kosovës.
Çitaku ka dhënë një shembull se si duhet të respektohen ata/o që kishin veshur uniformën e UÇK-së.
“Merrni pak mësim, nga SHBA-ja, se si trajtohen veteranët”, ka shkruar Çitaku.
Ajo nuk i ka ndalur kritikat e saj, ndaj atyre që nuk po i respektojnë ata që kishin qenë të gatshëm për sakrificën më sublime.
Mirëpo, Çitaku ka konstatuar se “nevoja për liri është produkt i vetëdijes”.
Ajo ka përfunduar duke thënë se “për disa, ushtarë të mirë janë vetëm ushtarët e vdekur”.