Pronari i Çellsit pret lejën e trajnerit që të blejë Ronaldon?!

Sipas “The Sun”, Bordi i Mançester Juanjtedit është i vendosur të qëndrojë të refuzojë të shesë Kristiano Ronaldon, edhe pse ylli portugez këmbëngul se ata duhet t’i japin dritën jeshile çdo oferte ‘të pranueshme’. Dhe kjo mund të bëjë që pesë herë fituesi i Topit të Artë t’i bashkohet rivalëve të “Djajve të Kuq”, skuadrës së Çellsit, i cili përfundoi i treti sezonin e kaluar – dhe për këtë arsye mund t’ ofrojë portugezit futbollin në Ligën e Kampionëve.

Trajneri i Bluve, Tomas Tushel është në kërkim të një sulmuesi të ri pas huazimit të Romelu Lukakut për një sezon te Interi. Kjo i la “Blutë” me Timo Verner dhe Kai Havertz, si lojtarët e vetëm që mund të luajnë vërtet në vijën e parë të sulmit në skuadër.

Pronari i ri i Çellsit, Todd Boehli u takua kohëve të fundit me agjentin e Ronaldos, Horhe Mendes, për të diskutuar një mori temash, duke përfshirë një lëvizje të mundshme për ikonën sportive.

Tani Boehli thuhet se do të takohet me trajnerin gjerman për të diskutuar nëse Ronaldo përshtatet në skemat e tij dhe mund të transferohet në “Stemford Brixh”.