Ditën e sotme Kryeministri i Shqipërisë, Edi Rama feston 58 vjetorin e lindjes.
Rama lindi në 4 korrik në Tiranë. Para zgjedhjes së tij si kryeministër, ka mbajtur disa pozicione të tjera në politikë.
Karrierën politike e nisi në vitin 1998, kur u emërua si Ministër i Kulturës, Rinisë dhe Sportit, post që e mbajti për 2 vite. Në vitin 2000 ai u zgjodh për herë të parë kryetar i Bashkisë së Tiranës, ndërsa u rizgjodh në vitin 2003 dhe 2007.
Në vitin 2013 Edi Rama u zgjodh kryeministër i Shqipërisë, ndërsa në vitin 2017 u rizgjodh në krye të qeverisë, teksa në zgjedhjet e 25 prillit të 2021 ai mori edhe mandatin e tretë.
