Pasi që kaluan pengesën e parë në kualifikimin e Ligës së Kampionëve, FC Shkupi, nga nesër duhet të nisin analizat serioze të lojës dhe ecurisë në të dyja ndeshjet me Linkolnin, sepse tashmë e pret një përballje e madhe në raundin e dytë eliminator.
Më 19 korrik (e martë), skuadra nga Çairi do të përballet me kampionin kroat Dinamo Zagreb, në sfidën e parë nga dy ndeshjet e raundit të dytë kualifikues të kompeticionit më të fortë evropian.
Do të jetë rikthimi i trajnerit Goce Sedlloskit në stadiumin “Maksimir”, por edhe një duel i reprezentuesve të Maqedonisë, Arian Ademit dhe Stefan Ristovskit ndaj kampionit të Maqedonisë. Takimi në Zagreb është planifikuar të fillojë në orën 21:00.
