Dy skuadra të NBA-s, në “luftë” për të marë firmën e Kevin Durantit

Sipas mediave amerikane, e ardhmja e Kevin Durant dukte ende e paqartë. Edhe pse basketbollisti figuron në posterat që skuadra e Bruklin Nets ka përgatitur për sezonin e ri 2022-2023, e ardhmja e tij mund të jetë larg Nju Jorkut. Disa skuadra janë interesuar për të marrë 2 herë kampionin e NBA-së.

Gjithsesi, Majami Hit dhe Golden Stejt Uarriors janë në pozitat më të mira, për 33-vjeçarin. Skuadra e Uarriors synon të rikthejë lojtarin në radhët e saj, aty ku ai ka fituar dy titujt kampionë.

Disi më konkrete duken përpjekjet e Miami, teksa kanë nisur kontaktet e para mes dy skuadrave. Drejtuesit e dy ekipeve janë takuar ditën e diel në Las Vegas, por ende nuk ka asgjë konkrete në horizont.