Prodhuesi japonez Suzuki do të largohet nga kampionati Moto GP në fund të këtij sezoni, lajmin e kanë konfirmuar vetë drejtuesit e skuadrës.
Vendimin për t’u larguar nga Moto GP në fund të sezonit Suzuki e zbuloi në fillim të muajit maj, duke përmendur “situatën aktuale ekonomike” dhe “nevojën për t’u përqëndruar në ndryshimet kryesore me të cilat përballet bota e automobilizmit”.
Dy vite më parë, piloti spanjoll Joan Mir, i solli Suzukit titullin e kampionit të Botës në Moto GP, që per ekipin japonez ishte i pari pas plot 20 viteve.
Kjo nuk është hera e parë që Suzuki tërhiqet nga Moto GP pasi, kjo i kishte ndodhur edhe në vitin 2011 por që ishin kthyer përsëri në vitin 2015.
