Me 68 vota pro, asnjë të përmbajtur dhe asnjë kundër, Kuvendi i Republikës së Maqedonisë së Veriut miratoi sot propozimin francez për zhbllokimin e rrugës së integrimit të vendit drejt Bashkimit Europian.
Me këtë dështuan tentativat e VMRO, LEVICËS dhe forcave regresive proruse për dezorientimin e vendit nga agjenda e integrimit.
Sot vendi ruajti orientimin e tij properëndimor falë guximin dhe vendimit vizionar të forcave progresive europiane në qeveri.
Të gjitha manipulimet, konfuzionet e krijuara për të fituar pikë të ulëta politike u demaskuan nga ana e popullit i cili nuk përkrahu protestat e inicuara.
Maqedonia e Veriut pas prononcimit pro propozimit francez së shpejti do t’ju qaset fazave aktive të negocimit, respektivisht do të merr datën për mbajtjen e konferencës së parë ndërqeveritare me Bashkimin Europian.
Rikujtojmë se propozimi francez në përmbajtjen e saj garanton tiparet e identitetit kulturor, historik dhe gjuhësor të popullit maqedonas, ndërsa garancë për këtë dha edhe Komisioni Europian përmes vizitës së presidentes së saj znj. Ursula Von Der Leyen.
