Funerali i ish-bashkëshortes së Donald Trump, është mbajtur të mërkurën e 20 korrikut në New York, duke bashkuar të gjithë familjen në një tubim të rrallë publik.
Ivana Trump, vdiq javën e kaluar në moshën 73 vjeçare, për të cilën është raportuar së ka rënë nga shkallët e apartamentit të saj në Manhattan.
Në mesin e të pranishmëve ishin tre fëmijët e Donald dhe Ivanës, Ivanka, Eric dhe Donald Trump Jr, transmeton BBC.
Dyshja kanë qenë të martuar për 15 vjet midis 1977 dhe 1992.
Ivana Trump, ishte me origjinë nga Çekosllovakia e atëhershme, një socialiste e shquar që ishte bërë objekt i interesit intensiv publik së bashku me Donald Trump gjatë viteve 1980 dhe 1990.
Pas ndarjes, Ivana Trump ka vazhduar të lansojë një linjë produktesh bukurie, bizhuterish dhe veshjesh.
Në funeralin e të mërkurës, tre fëmijët e Ivanës dhe Donaldit janë parë duke qëndruar së bashku pranë bashkëshortëve dhe familjeve të tyre, ndërsa makina e varrimit që mbante arkivolin ka mbërritur për ta bartur në kishën St Vincent Ferrer.
Kurse, ish-presidenti ka arritur në ceremoni veçmas së bashku me personelin e sigurisë.
Persona të tjerë u panë në funeral përfshirë zhvilluesin e pasurive të paluajtshme Charles Kushner, babai i Jared Kushner, stilisti malajzian Zang Toi, prezantuesja televizive Jeanine Pirro dhe George Wayne, një ish gazetar i Vanity Fair i njohur për intervistat e tij me të famshëm.
Në një deklaratë pas vdekjes së saj, familja e ka lavdëruar zonjën Trump si një “forcë në biznes” dhe “një bukuri rrezatuese, nënë dhe mike e kujdesshme”.
“Ivana Trump ishte një e mbijetuar. Ajo iku nga komunizmi dhe përqafoi këtë vend”, thuhet në deklaratë. “Ajo i mësoi fëmijët e saj për guximin dhe ashpërsinë, dhembshurinë dhe vendosmërinë.”
Vajza e saj, Ivanka, e lavdëroi nënën e saj si “shkëlqyese, simpatike, pasionante dhe qesharake keq”.
“Ajo modeloi forcën, këmbënguljen dhe vendosmërinë në çdo veprim të saj. Ajo e jetoi jetën në maksimum, duke mos hequr dorë kurrë nga një mundësi për të qeshur dhe kërcyer,” ka shkruar ajo
