Polemika për ekzistencën e arkivës së UÇK-së

“E konfirmoj që Ushtria Clirimtare e Kosovës ka pasur arkivë ne i kemi pas librat gjatë lufës, këtë e konfirmoj”, nga kjo deklaratë e këshilltarit të kryeministrit së Kosovës, Aziz Bici,  ka nxitur reagimin e ish-luftëtarëve të UÇK-së.

Sipas tyre Ushtria nuk ka arkiva zyrtare vetëm dorëshkrime që kanë ruajtur ushtarët individualisht.

Ndërsa, Bici deklaratën e thotë me siguri të plotë.

Sipas këshilltarit të kryeministrit, Aziz Bici UÇK-ja ka arkivë dhe sipas tij është për tu habitur si mohohet kjo.

Por, janë ish-bashkëluftëtarët e tij të cilët po thonë se kjo nuk është e vertëtë.

Këshilltari i kryeministrit, Aziz Bici

Sipas Hisen Berishës, që është një nga komandantët që udhëhoqën Betejën e Kosharës, arkiva e vetme e UÇK-së janë dorëshkrimet individuale të ushtarëve.

“Sa i përket strukturave drejtuese të luftës e shumta që mund të kenë mund të jetë ndonjë fletore personale ku kanë shënuar se cfarë detyra mund të kryejnë gjatë luftës e që munden të jenë kush cfarë detyre me dhanë, cili komandantë me dergu njesinë e ndonjë shënim lufte”, ka deklaruar Berisha.

Hisen Berisha

Në të njejtën lindjë qendron edhe kryerari i Organizatës së Veteranëve në Skenderaj, Emin Lati i cili edhe ka qenë udhëheqës toge në Prekaz.

“Unë vet kam qenë komandant toge në Prekaz dmth unë vet nuk kam arkivë, nuk kam shënime se kur na rroke ofenziva kah mos I gjujshum letrat dmth nuk e di, nuk e besoj që ka arkiva”, ka deklaruar Lati.

Emin Lati

Kjo deklaratë nga Aziz Bici ka ardhur pasi që është riaktualizuar tema e veteranëve ku Kryeministri Kurti ka dhënë disa propozime për ta në mënyrë që të pastrohen listat e veteranëve të luftës së UCK-së.