Shpërthen zjarri në qyetin Vatera, në ishullin grek

Një zjarr ka shpërthyer në ishullin grek të Lesbos, ndërsa autoritetet iu kanë bërë thirrje njerëzve të largohen nga qyteti i njohur turistik.

Zjarri ka filluar mëngjesin e së shtunës të 23 korrikut, sipas Cyprus Reporter, duke shtuar se qyteti turistik i Vaterës ishte “përfshirë” nga flakët.

Shtëpitë dhe pronat turistike janë evakuar në zonë, me autobusë dhe varka të ofruara për të ndihmuar njerëzit të largoheshin.

Ilustrim

Departamenti lokal i zjarrfikësve në një konferencë urgjente ka thënë se 50 zjarrfikës po luftonin me zjarrin, i cili po ndizej nga erërat e forta. Në shuarjen e zjarrit kanë ndihmuar edhe vullnetarë.

Media lokale Iefimerida ka thënë se flakët kishin mbërritur në det në disa vende dhe se disa prona tashmë janë shkatërruar, ndërsa roja bregdetare thuhet se ka shpëtuar nëntë persona nga plazhi, transmeton skynews.

Vatera, një shtrirje plazhi 8 km, është një destinacion popullor turistik në ishull, me shumë shtëpi pushimi.

Edhe pse shkaqet e zjarrit nuk janë të panjohura, zyrtarët në vend kanë thënë se kjo verë është një nga më të vështirat ndonjëherë në Mesdhe.

Temperaturat në të gjithë Evropën janë rritur gjatë javës së fundit, me Britaninë e Madhe që ka përjetuar edhe zjarre pasi merkuri arriti në 40.3C për herë të parë ndonjëherë.

Autoritetet franceze dhe spanjolle janë marrë gjithashtu me zjarret për shkak të vapës së madhe.