Kristian Eriksen është prezantuar më në fund tek Man. Junajtedi, ku ka folur fjalët e para si lojtar i anglezëve. Danezi theksoi se nuk është transferuar te “Djajtë e Kuq”, vetëm prej logos së klubit, por kërkon të jetë protagonist, ndërsa shtoi se stili i tij përshtatet me atë të trajnerit Erik ten Hag.
“Kam ardhur te Man. Junajted për të luajtur futboll, nuk jam këtu vetëm për logon e klubit. Dua të luaj, sigurisht edhe duke folur me trajnerin dhe duke dëgjuar idetë e tij.
Në aspektin sportiv ishte diçka e mrekullueshme që mund të përfaqësoj United. Mendoj se stili im i futbollit përshtatet me ten Hag, ose të paktën kështu shpresoj.
Debutim në Old Trafford? Kujtimet në Old Trafford janë nga më të bukurat, krijohet një atmosferë e mrekullueshme. Është vendi perfekt për të debutuar”, u shpreh Eriksen.
🚨 A must-watch for every Red 🚨@ChrisEriksen8‘s first United interview has dropped 🎤⬇️#MUFC
— Manchester United (@ManUtd) July 26, 2022
