Një burrë në Brazil ka mbajtur të burgosur gruan dhe fëmijët e tij për 17 vjet. Të enjtën e 28 korrikut policia braziliane ka shpëtuar familjen, e cila ndodhej në një shtëpi në përëndim të kryeqytetit brazilian, Rio De Janeiro.
Policia braziliane pasi ka shpëtuar familjen ka arrestuar burrin.
Në faqen braziliane të lajmeve G1 thuhet kryesi i kësaj vepre i ka thënë gruas së tij se ajo do të largohej nga shtëpia vetëm pasi të vdiste.
G1 raporton se gruaja dhe dy fëmijët e saj gjatë 17 viteve ishin abuzuar fizikisht dhe psikologjikisht dhe kishte raste kur nuk kishin mundësi për tu ushqyer për tre ditë radhazi. Fotot e publikuara nga policia braziliane tregojnë se shtëpia ku po qëndronin familjarët nuk i plotësonte kushtet minimale për jetesë.
Të rriturit që mbaheshin mbyllur në shtëpi ishin 19 dhe 22 vjeç, të cilët ishin në gjendje jo të mirë shëndetësore.
Kapiteni i policisë ushtarake, William Oliveira ka thënë se të rriturit ishin fëmijë për shkak të nivelit të tyre të kequshqyerjes.
“Kur pamë gjendjen e dy fëmijëve, menduam se ata nuk do të kishin mbijetuar edhe një javë,” ka thënë një banor i zonës. Familjarët pasi u shpëtuan janë dërguar në spital për t’u trajtuar për dehidrim të rëndë dhe kequshqyerje, raportojnë mediat lokale.
Zyra e Punëve të Brendshme të Policisë Civile në Brazil, O Dia ka hapur një hetim se pse familja nuk u shpëtua më herët, pasi është njoftuar për situatën e familjes që u bë e njohur për herë të parë në vitin 2020.
