Përhapja e lisë së majmunëve është shqetësuese dhe për Shtetet e Bashkuara të Amerikës.
Kate Hochul, Guvernatore e New Yorku-t, përmes një postimi në Twitter, ka shpallur gjendje të jashtëzakonshme në ShBA për të parandaluar shpërthimin e virusit të lisë së majmunëve.
Hochul është shprehur se ka shpallur një emergjencë kombëtare fatkeqësie për të forcuar përpjekjet e vazhdueshme për të luftuar përhapjen e lisë së majmunëve.
Guvernatorja e New Yorkut ka shkruar se ky urdhër ekzekutiv do t’i mundësojë të përgjigjen më shpejt dhe u lejon profesionistëve shëndetësorë të ndërmarrin hapa shtesë për vaksinimin e më shumë qytetarëve të New Yorkut.
Deri më 29 korrik në New York janë raportuar 1 mijë e 383 raste me linë së majmunëve dhe një në katër raste të lisë së majmunëve në SHBA është në New York.
“Ne po punojmë gjatë gjithë kohës për të siguruar më shumë vaksina, për të zgjeruar kapacitetin e testimit dhe për të edukuar njujorkezët sesi të qëndrojnë të sigurt”, u shpreh Hochul.
Spanja dhe Brazili raportojnë vdekjet e para nga lia e majmunëve në Evropë
