Pritje të gjata në pikën kufitare në Merdar

Të hënën e një gushtit, Raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në pikat kufitare, të cilat bëjnë lidhjen mes Kosovës dhe Serbisë.

Si në çdo vit tjetër, bashkatdhetarët të cilët jetojnë në vende të ndryshme të Evropës kanë marrë rrugën drejt Kosovës për t’i kaluar pushimet.

Ata po detyrohen të presin edhe kësaj here në pikat kufitare me Serbinë.

Pritjet më të gjata janë regjistruar në pikat kufitare në Merdar dhe te Dheu i Bardhë.

Në hyrje të pikës kufitare në Merdar, pritjet në hyrje janë deri në një orë, ndërsa në dalje deri në 180 minuta, ndërkaq kolona e automjeteve është deri në 1000 metra.

Kurse në hyrje të pikës tjetër kufitare te Dheu i Bardhë, pritjet deri në 90 minuta, ndërkaq kolona e automjeteve është deri në 1000 metra.

Në vendkalimet e tjera kufitare të Kosovës, si në Muçibabë, me 30 minuta pritje me 250 metra kolona.

Ndërsa, pikat kufitare në Jarinjë e Bërnjak, vazhdojnë të mbeten të mbyllura nga barrikadat e qytetarëve serbë në Veri të Mitrovicës.

Edhe pse Qeveria e Kosovës, pak para mesnatës së një gushtit, ka marrë vendim që të shtyjë implementimin e vendimeve të reciprocitetit të letërnjoftimeve me Serbinë dhe atë për targa, ende nuk është marrë ndonjë hap nga qytetarët serbë.

Gjendja në kohë reale në pikat kufitare mund të përcillet në faqen e Ministrisë së Punëve të Brendshme.

Njoftimi i MPB