Pas publikomit të anketës në të cilën shihet se Bashkimi Demokratik për Integrim është partia që fiton bindshëm në kampin politik shqiptar, ka reaguar zëvendëskryeministri i parë, Artan Grubi. Përmes një statusi Grubi ka thënë se BDI-ja e Ahmetit po rritet dhe se është vet, më e madhe se të gjitha partitë e tjera nëse bëhen bashkë. “BDI-ja po rritet. Ju faleminderit”, ka shkruar Grubi.
Ndryshe, Anketa e fundit e realizuar nga IPSOS në periudhën nga 1 deri më 18 Korrik përmes 1.014 të anketuar ka sjellë një situatë shumë ndryshe nga ajo realja pasiqë disa parti tashmë bindshëm vazhdojnë të qëndrojnë në ballë si më të preferuarat në elektorat.
Kështu, anketa e fundit e nxjerë fituese Bashkimin Demokratik për Integrim në bllokun politik shqiptar derisa në blokun politik maqedonas fituese del VMRO.
Në pyetjen e të anketuarve nëse do të mbahen zgjedhjet e ardhëshme për kë do të votonin, për VMRO DPMNE do të votonin 19,7% nga të anketuarit, për LSDM 9,5%, BDI 6,2%, Levica 5,9%, ASH 2,8%, nuk do të votonin 12,2 % nga të anketuarit, të pavendosur janë 22,5%, ndërsa kanë refuzuar të përgjigjen 17%.
