Dëgjoni hitin më të ri nga Aleksandar Gjelaj, i këndon shqiptarisë

Me tekst nga Gjovalin Lumaj dhe orkestrim nga Florent Boshnjaku, ylli i muzikës së pastër shqipe që jeton dhe vepron në Shtetet e Bashkuara të Amerikës, Aleksander Gjelaj vjen me një tjetër mega projekt të cilin e ka titulluar “Shqiptari jetofsh në breza”.

Ky projekt është kënduar me shumë dashuri nga këngëtari i cili i kushton një këngë të bukur trevave shqiptare. Këtë këngë ai e ka finalizuar edhe me videoklip në të cilin shihen motive të pastra shqiptare. Këngëtari Gjelaj tashmë një kohë të gjatë po realizon këngë kushtuar shqiptarëve në përgjithësi.

Ndërkohë që në Shtetet e Bashkuara të Amerikës ai është shumë i kërkuar edhe në ahengje të ndryshme familjare duke krijuar kështu atmosferë të jashtëzakonshme.