Sali Berisha, ka ankimuar në KAS vendimin e kryekomisionerit të zgjedhjeve, Ilirjan Celibashi, për mosregjistrimin e PD-së si parti politike në zgjedhjet e 14 majit.
Ankimimi është depozituar këtë të mërkurë, ndërsa po sot, 15 mars, pritet që të hidhet shorti për caktimin e relatorit të kerkesës ankimore të depozituar në KQZ nga PD, Sali Berisha.
Pavarësisht vendimit të Gjykatës së Apelit që rrëzoi vendimet e Kuvendit të 11 Dhjetorit, Berisha kërkon nga KAS që t’a njohë atë si kryetar të Partisë Demokratike.
Në kërkesën e bërë publike theksohet se duhet të merret parasysh shkarkimi i Lulzim Bashës në Kuvendin e 11 dhjetorit si dhe dorëheqja e tij në Mars 2022.
Gjithashtu kërkohet të njihet zgjedhja e Sali Berishës si kryetar i PD-së në referendumin e mbajtur nga Partia Demokrtatike në maj të vitit 2022.
Për sa i përket vendimit të Gjykatës së Apelit, Berisha e quan atë si një vendim jo të formës së prerë dhe thekson se në fuqi mbetet vendimi i Shkallës së Parë sa kohë çështja është në proces gjyqësor.
Dokumenti