Gjatë ditës së sotme AlbEu.com raportoi për një skandal të shënuar gjatuë Konventës Ndërkombëtare të Turizmit të organizuar gjatë ditës së djeshme në Pallatin e Kongreseve në Tiranë.

"Kosova pjesë e Serbisë", skandali me hartën: Kumbaro mendon ndryshe nga shteti shqiptar?
“Kosova pjesë e Serbisë”, skandali me hartën: Kumbaro mendon ndryshe nga shteti shqiptar?

Në njërin prej paneleve të kësaj konvente në hartën pas panelistëve Kosova shfaqet si pjesë e Serbisë, ndërsa në territorin e Republikës së Kosovës shkruhet “Serbia”.

Vlen të theksohet se në panel ishte edhe Ministria e Infrastrukturës Belinda Balluku si edhe disa biznesmenë të njohur që kanë investuar në fushën e Turizmit në Shqipëri.

AlbEu.com mëson se Konventa është organizuar nga Ministria e Turizmit nën drejtimin e Mirela Kumbaros, e cila duket se mendon ndryshe nga vendimi unanim i Kuvendit të Shqipërisë për të njohur Republikën e Kosovës.

Ky sabotim ndaj Republikës së Kosovës ndodh në një moment kyç të historisë së Kosovës teksa krerët e UÇK-së janë duke u gjykuar në Hagë. /albeu.com