Administrata e presidentit amerikan, Joe Biden njoftoi të mërkurën paketën prej 325 milionë dollarë për Ukrainën për të ndihmuar ushtrinë e saj në luftën kundër Rusisë.

Paketa përfshin municione shtesë për sistemet raketore të artilerisë së lëvizshmërisë së lartë (HIMARS), raketa të avancuara dhe mina antitank.

Kjo është paketa e 36-të e sigurisë për Ukrainën që nga pushtimi rus në shkurt 2022 dhe e sjell ndihmën ushtarake totale të SHBA për qeverinë e Kievit në më shumë se 35.4 miliardë dollarë.

“Kjo paketë e asistencës së sigurisë përfshin më shumë municione për HIMARS dhe artileri të ofruara nga SHBA, si dhe sisteme kundër armaturës, armë të vogla, automjete mbështetëse logjistike dhe mbështetje të mirëmbajtjes thelbësore për forcimin e mbrojtësve të Ukrainës në fushën e betejës,” tha sekretari amerikan i Shtetit, Antony Blinken në një deklaratë.