Shumica e partive politike, përfshirë partinë kryesore opozitare, kanë deklaruar publikisht mbështetjen e tyre për rrugën e integrimit evropian të vendit. Kjo është shumë e rëndësishme, sepse negociatat për anëtarësim në BE janë një detyrë madhore, e cila kërkon angazhim të jashtëzakonshëm nga të gjithë – qeveria, opozita dhe shoqëria në tërësi. Është një proces që përfshinë mandatet e qeverive të ndryshme dhe për këtë arsye duhet të trajtohet si një projekt kombëtar siç ishte rasti në vendet e tjera kandidate, të cilat tani janë shtete anëtare të BE-së. Prandaj, është e rëndësishme që partitë që deklarohen për anëtarësim në BE, të marrin përgjegjësi politike dhe të veprojnë në përputhje me rrethanat, thotë ambasadori evropian në vend David Geer në një intervistë për “Lokalno”, përcjell Indeks.mk
Sa i përket respektimit të të drejtave të komuniteteve të ndryshme në Maqedoninë e Veriut, sipas Gir, vendi është shembull i mirë i një shoqërie multietnike.
“Sigurisht, ne i ndjekim me shumë kujdes zhvillimet këtu dhe ofrojmë mbështetje ku të mundemi për të forcuar përpjekjet për të luftuar diskriminimin. Është e rëndësishme që të gjitha ankesat për diskriminim të trajtohen seriozisht dhe të veprohet me shpejtësi nga autoritetet shtetërore. Sa i përket gjuhës së urrejtjes, nuk shohim prova se autoritetet po nxisin urrejtje”, tha ambasadori evropian lidhur me akuzat e Bullgarisë.
Vonesa e fillimit të negociatave për anëtarësim, si dhe arsyet e këtyre vonesave, sipas Girit, kanë kontribuar në ndjenjën e skepticizmit te qytetarët e Maqedonisë. Ajo gjithashtu thekson se te disa, këto ndjenja përforcohen nga frika e humbjes së identitetit të tyre gjatë procesit të anëtarësimit në BE. Por, shton ai, asnjë vend nuk e humb identitetin e tij në rrugën drejt BE-së.(Indeks.mk)
