Suedia, dënoi sot ekzekutimin në Iran të suedezit-iranian Habib Saab për “terrorizëm”.

“Dënimi me vdekje është një dënim çnjerëzor dhe i pakthyeshëm dhe Suedia, si pjesa tjetër e BE-së, e dënon vendosjen e tij në çdo rrethanë”, shkroi në Twitter ministri i Jashtëm suedez Tobias Billström.

Habib Farajullah Saab u shpall fajtor si udhëheqës i një organizate që besohet të jetë përgjegjëse për sulmet, duke përfshirë një në një paradë ushtarake në vitin 2018 që vrau 25 njerëz, njoftoi televizioni shtetëror. Ai ishte dënuar me vdekje për “korrupsion”, një vepër e dënueshme me vdekje sipas ligjit të rreptë islamik të Iranit.

Drejtësia e la në fuqi dënimin e tij më 12 mars, një vendim i dënuar nga Suedia.

“Dënimi me vdekje i Habib Saab liderit të organizatës terroriste Harakat al-Nidal, u krye sot në mëngjes”, njoftoi agjencia iraniane e lajmeve të drejtësisë Mizan Online.

Ekzekutimet në Iran zakonisht kryhen duke u varur herët në mëngjes.

Irani ekzekuton më shumë të dënuar se çdo vend tjetër përveç Kinës, sipas grupeve të të drejtave të njeriut, të cilat kanë vlerësuar numrin e ekzekutimeve në 582 në vitin 2022.