
“G7 do të shpallë sanksione të reja për të izoluar ekonomikisht Rusinë”. Kështu deklaroi një zyrtar amerikan nga Japonia, duke specifikuar se kufiri i çmimit të naftës ruse do të ruhet. Masat do të godasin sektorët e energjisë dhe të mbrojtjes dhe aftësinë e Moskës për të mobilizuar asetet e saj financiare.
Më herët ministria e jashtme ruse kërcënoi se nuk do ta rinovonte marrëveshjen e grurit që skadon me 17 Korrik nëse Perëndimi nuk heq sanksionet ndaj Rusisë. Moska kërkon rilidhjen e bankave me sistemin Swift, zhbllokimin e transportit dhe logjistikës së sigurimeve.
“Pa respektimin e këtyre kërkesave, nuk do të flitet për zgjatje të nismës së Detit të Zi dhe marrëveshja do të ndërpritet pas datës 17 korrik”, tha ministria në një deklaratë.