Federata e Futbollit të Maqedonisë sot zhvilloi Kuvendin e rregullt, në të cilën morri përkrahje të plotë nga UEFA dhe FIFA për punën e deritanishme, duke premtuar përkrahjen e plot financiare edhe në të ardhmen.

Delegatët në Kuvend, votuan të gjithë pikat e raportit të presidentit dhe Këshillit Drejtues të Federatës për vitin 2022. Në kohë të njëjtë, nuk kishte asnjë vërejtje nga raporti financiar për vitin 2022 dhe buxhetin për vitin e ardhshëm, ndërsa u miratua edhe raporti i revizorit të pavarur.

Me këtë rast u konfirmua edhe rritja e buxhetit për 3.66 për qind ose 4.2 mln euro. Delegatët dhanë drite jeshile për raportin e administratës së FFM-së për plotësimin e planit strategjik nga viti 2021 e deri në vitin 2025, ndërsa është miratuar edhe strategjia për qëndrueshmëri sociale.

Presidenti i FFM-së, Muamed Sejdini, potencoi se duhet edhe më shumë punë për të krijuar kushte më të mira për futboll cilësor dhe kushte për grupmoshat e reja.

 

“Dhamë llogaridhënie para delegatëve të Kuvendit të Federatës së Futbollit të Maqedonisë dhe në kohë të njëjtë miratuam buxhetin për vitin 2023. Normalisht se ishte një Kuvend jashtëzakonisht i mirë. Të gjithë delegatët votuan për të gjitha pikat që i kishim në punën e Kuvendit. Çdoherë them se ne jemi duke punuar, por kjo nuk mjafton, sepse duhet edhe më shumë të punojmë që të arrijmë një futboll më cilësor. Të bëjmë kushte më të mira për grupmoshat e reja në klubet tona,” tha mes tjerash numri nje i FFM-se, Muamed Sejdini.