Kendall Jenner bëri një shfaqje mjaft provokuese në një postim të ri në InstaStory të mërkurën.
Modelja 27-vjeçare, e cila së fundmi po shijon diellin dhe detin në Festivalin e Filmit në Kanë në Francë, i mbylli pushimet e saj me një lundrim nate të shpejtë në një jaht.
Ajo ishte e veshur me një fustan të zi që mezi ruante modestinë e saj te pjesa e gjoksit, pasi kishte një pjesë të tejdukshme te pjesa e kraharorit, shkruan DailyMail.
Kendall pozoi në një vendkalim prej druri në anën e jahtit masiv, ndërsa dritat e qytetit shkëlqenin në distancë mbi ujin e zi.
Ajo u mbështet në parmakë për të nxjerrë në pah fustanin, i cili fillimisht dukej se ishte i gjatë vetëm deri te busti, duke e lënë të ekspozuar gjoksin e saj dhe mbuluar vetëm thimthat me një palë rrathë të kuq si lule.
Por videoja u ndërpre nga fotografitë e shpejta, dhe blici nga fotot zbuloi se zbukurimet e kuqe ishin ngjitur në një material të tejdukshëm në pjesën e sipërme të fustanit të saj.
Pjesa tjetër e minifustanit të zi theksoi figurën e saj trupore, ndërsa zbuloi këmbët e saj të gjata dhe të nxira.
Ajo e rriti lartësinë e trupit të saj me një palë taka të zeza.
Ylli i pasarelave plotësoi gjoksin e saj të mbuluar me të kuqe me një shall të gjatë të kuq të mëndafshtë, i cili ishte mbështjellë fort rreth fytit të saj dhe fluturonte nga era pas saj.
Kendall ishte e grimuar në mënyrë perfekte për fotosesionin e natës me një sy të grimuar me të zezë, dhe flokët e saj të gjatë ishin ndarë në mes dhe fshiheshin poshtë shpinës.
Për aksesorë, motra e klanit Kardashian-Jenner kishte zgjedhur një palë vathë modest. /Telegrafi/
