Kryeministri shqiptar, Edi Rama ka komentuar vizitën e sotme të kryetarit të Bashkimit Demokratik për Integrim, Ali Ahmeti në brojë të Skenderajt ku ka vizituar babanë e ish presidentit të Kosovës, Hashim Thaçi dhe familjarët e tij.
Kryeministri Rama ka postuar në rrejtet sociale fotografinë e Ali Ahmetit me babanë e Hashim Thaçit dhe me një përshkrim të shkurtë Burra, i ka thënë të gjitha.
Ndryshe, sot kryetari i BDI-së Ali Ahmeti ishte për një vizitë tek familja e ish presidentit të Kosovës, Hashim Thaçi për të takuar babanë e tij dhe familjarët tjerë.
Ahmeti u shpreh tejet i kënaqur për këtë vizitë,derisa tha se qëndrimi i tij në Burojë, dëshmon lidhjet familjare të cilat janë të gjata për më shumë se tri dekada.
Pas takimit Ali Ahmeti deklaroi se djali i tyre po mbron dinjitetin e UÇK-së.
Ai tha se Thaçi dhe të tjerët të cilët po gjykohen në Hagë, do shpallën fitimtar dhe epilogu përfundimtar do të jetë liria e tyre.
“Djali i tyre me shokë po mbron dinjitetin e UÇK-së, kauzën e pastër të mbarë popullit të Kosovës. Drejtësia vonon, por nuk harron, kështu i thashë Bacit Haxhi kur po kuvendonim mbi vitet e qëndresës kombëtare për lirinë dhe shtetësinë e Kosovës”, deklaroi Ahmeti.
https://www.facebook.com/photo?fbid=810003293828667&set=a.400250428137291
