Ky takim do të zhvillohet nesër me fillim nga ora 13:00, shkruan GazetaBlic Sport.
‘Industrialistët’ vijnë në këtë ndeshje pas fitores ndaj Fushë Kosovës, kurse Prishtina pas një barazimi me Ballkanin.Trajneri i Feronikelit ’74, Xhengiz Rexhepi tha se do të jetë një ndeshje e vështirë, por që natyrisht synohet fitorja e madhe.
“Do të jetë një ndeshje e vështirë edhe për neve dhe për Prishtinën. Ne po luajmë më mirë nga ndeshja në ndeshje. Të dy skuadrat kanë futbollistë cilësorë dhe natyrisht që kemi si objektiv fitoren. Ne kemi ecuri të mirë dhe dallojmë shumë nga ndeshja e xhiros së parë, pra po stabilizohemi shumë mirë. Objektivi ynë kryesor para fillimit të kampionatit ishte mbijetesa dhe ndërtimi i një skuadre stabile, do të punojmë shumë për ta arritur këtë gjë, pastaj çdo rezultat tjetër pozitiv është i mirëseardhur“, tha Rexhepi.
