“Gazzetta dello Sport” jep detaje të tjera për takimin e zhvilluar në Milano mes drejtuesve të Juventusit dhe Fali Ramadanit, agjentit shqiptar të sulmuesit Federiko Kieza.
Futbollisti i lindur në vitin 1997 ka një kontratë të vlefshme deri më 30 qershor 2025 dhe përmes agjentit të tij e ka siguruar Juventusin se nuk dëshiron të largohet si lojtar i lirë.
Në të njëjtën kohë, Kieza nuk dëshiron as të nënshkruajë një kontratë afatgjatë dhe kjo është arsyeja pse palët po studiojnë javët e fundit një rinovim afatmesëm deri më 30 qershor 2026. Lojtari i kombëtares italiane fiton 5 milionë euro neto në sezon, plus bonuse.
“Qëllimi i tij është që të mbajë të njëjtën pagë edhe për një vit. Nuk jemi në fazën përfundimtare të negociatave, do të nevojiten takime të mëtejshme për të nënshkruar zgjatjen e bashkëpunimit, por drejtuesit e Juventusit tregojnë optimizëm të kujdesshëm për arritjen e një marrëveshjeje,” ka deklaruar agjenti shqiptarë për median italiane.
